Gjirokastër/ Rama sulmon opozitën: Mos ia jepni shansin Lulit, se do kthehet Meta me Berishën

Sipas Ramës, nuk është imagjinuar që Shqipëria të humbasë përsëri sikur ka humbur në të shkuarën nëse u jepet një shans tjetër atyre që i kanë pasur të gjitha shanset, referuar opozitës.

99

Kryeministri Edi Rama ka sulmuar opozitën teksa ka theksuar se nëse shqiptarët votojnë Bashën, Meta dhe Berisha do të jenë një rrezik real për Shqipërinë.

Sipas Ramës, nuk është imagjinuar që Shqipëria të humbasë përsëri sikur ka humbur në të shkuarën nëse u jepet një shans tjetër atyre që i kanë pasur të gjitha shanset, referuar opozitës.

“Lulin e kanë nxjerrë përpara dhe bën sikur nuk sheh dhe del dhe thotë; e patë cfarë ndodhi në Rinas, është përgjegjësi e Edi Ramës. Një kukull e kurdisur, njëherë flet, njëherë nuk flet dhe bën sikur nuk kupton, nuk duhet dhe nuk mundet dhe në fakt shumëkush thotë cfarë merresh me atë. Lëreni atë, flisni çfarë do të bëni ju. Por ky është një dallim i madh që duhet të jetë shumë i qartë, sepse rreziku është real, nuk është imagjinuar që Shqipëria të humbasë përsëri sikur ka humbur në të shkuarën nëse i jep një shans tjetër atyre që i kanë pasur të gjitha shanset dhe nga ana tjetër është e domosdoshme që ne të vazhdojmë përpara” tha Rama gjatë prezantimit të kandidatëve për qarkun e Gjirokastrës.