Greqia shtyn sërish afatin e bllokimit të Kapshticës, ja kush do lejohet të kalojë

87

Për shkak të situatës së krijuar nga Covid-19, Greqia ka shtyrë sërish afatin e bllokimit të Pikës së Kalimit Kufitar Kapshticë, deri në datën 08.02.2021.

Autoritetet e Policisë Greke, në vijim të masave të marra mbi përballimin e situatës së krijuar për shkak të pandemisë COVID-19, kanë njoftuar palën shqiptare për shtyrjen e afatit të bllokimit të Pikës së Kalimit Kufitar Kapshticë, deri në datën 08.02.2021”.

Dalja nga Shqipëria dhe hyrja drejt Greqisë nëpërmjet kësaj pike kalimi, vijon të jetë e mbyllur.

Ndërsa hyrja nga Greqia drejt vendit tonë, do të jetë e lejuar nga ora 06:00 deri në orën 22:00, vetëm për këmbësorët dhe mjetet e tonazhit të rëndë (kamiona mallrash).

Mjetet si autobusa, taksi, apo çdo mjet tjetër i transportit të pasagjerëve, nuk do të lejohet të kalojë.