Kavajë/ Tentojnë të vjedhin shtëpinë, rrahin pronarin me sende të forta

71

Dy persona të maskuar kanë tentuar që të vjedhin me dhunë një banesë në fshatin Zik-Xhafaj të Kavajës.

Sipas policisë, autorët kanë dhunuar pronarin e banesës me sende të forta.

Pasi kanë dhunuar pronarin e shtëpisë, autorët e dyshuar janë larguar.

Ndërkaq, policia ka mbërritur në vendngjarje dhe po punon për identifikimin dhe arrestimin e të dyshuarve.

Njoftimi i policisë:

Kavajë/Informacion paraprak

Më datë 22.01.2021, në orën 20:00, në Kavajë dyshohet se dy persona ende të paidentifikuar kanë tentuar të vjedhën me dhunë banesën e shtetasit Xh. D., 70 vjeç, të cilin e ka goditur me sende të forta, dhe është dërguar në spital për ndihmë mjekësore, jashtë rrezikut për jetën.

Autorët nuk ka mundur të realizojnë vjedhjen dhe janë larguar me shpejtēsi.

Shërbimet e policisë kanë shkuar menjëherë në vendngjarje dhe vijon krehja e zonës për kapjen e autorëve.

Grupi hetimor nën drejtimin e Prokurorisē vijon punën për sigurimin e provave që do ti shërbejnë zbardhjes së ngjarjes.