Mediu: Më 25 prill do përballen qytetarët që duan shtet me Ramën që krijoi krim

347

Kreu i Partisë Republikane Fatmir Mediu gjatë një takimi me qytetarë në zonën e Laprakës, theksoi se në 25 prill përballen qytetarët shqiptarë që duan shtet, duan liri, me Edi Ramën, i cili krijon dhe ndërton vetëm krim dhe korrupsion.

Sipas tij, 25 prilli  është fundi i pushtetit kriminal të Edi Ramës, ndërsa shtoi se zgjedhjet janë një moment me rëndësi kombëtare.

“Prandaj 25 Prilli është një moment shumë i rëndësishëm, është një moment me rëndësi kombëtare. Nuk ndeshet e majta me të djathtën, por ndeshen qytetarët shqiptarë, që duan shtet, duan liri, me Edi Ramën, i cili krijon dhe ndërton vetëm krim dhe korrupsion. Është ndarja e shqiptarëve që duan punë dhe dinjitet dhe Edi Ramës që ka shkatërruar cdo mundësi ekonomike, ka shkatërruar bizneset, ka shkatërruar Shqipërinë”.

Shqiptarët tha Mediu e kanë marrë vendimin dhe do të bëhen zot të fateve të tyre, duke mos lejuar asnjë që  të dalë dhe të na ndërpresë rrugëtimin  e Shqipërisë për në Europë.