Moment i rrallë/ NASA publikon pamjet e uljes së anijes kozmike në Mars

62

Nasa ka publikuar video mahnitëse të momentit kur sonda e saj Perseverance është ulur në Mars, raporton BBC.

Pamjet tregojnë minutat e fundit të zbritjes, deri në pikën ku rrotat e robotit bëjnë kontakt me tokën.

Sekuencat tregojnë një vorbull pluhuri dhe zhavorri duke u nisur ndërsa automjeti ulet.

Perseverance, ishte e pajisur me kamera, shtatë prej të cilave ishin dedikuar regjistrimit të uljes në Mars.

Imazhet e tyre përfaqësojnë reagime jetike për inxhinierët ndërsa ata kërkojnë të përmirësojnë akoma më tej teknologjitë e përdorura për të vendosur sonda në sipërfaqen e planetit të Kuq.

Anija kozmike më e përparuar hyri javën e kaluar në atmosferën e Marsit dhe më pas u ul në mënyrë të sigurt në Liqenin Krater pas gati shtatë muajsh udhëtimi, duke filluar një kërkim për prova të jetës antike mikrobiologjike në Planetin e Kuq.

Ajo duhej të kryente një seri komplekse manovrash në mënyrë perfekte dhe të ngadalësohej kur zbriste për të shmangur rreziqet sipërfaqësore dhe të vendoste lehtë roverin në gjashtë rrotat e tij.

Inxhinierët e NASA-s, procesin e uljes në Mars të anijes kozmike me shaka i cilësuan si “shtatë minuta frike”.

Ky artikull është i shkruar nga gazetarët e Descript.al, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Shkrimi mund të ripublikohet nga mediat e tjera vetëm duke cituar Descript.al dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.