Një tjetër tërmet godet Turqinë

99

Një tërmet me magnitudë 4,2 të shkallës Rihter ka goditur sot provincën perëndimore Denizli të Turqisë, bëri të ditur agjencia për menaxhimin e katastrofave, transmeton Anadolu Agency (AA).

Autoriteti i Menaxhimit të Fatkeqësive dhe Emergjencave (AFAD) në faqen e tij të internetit tha se epiqendra e tërmetit ishte në rrethin Acipayam.

Tetorin e kaluar, një tërmet i fuqishëm prej 6,6 ballësh goditi qytetin e tretë më të madh të vendit, Izmirin, duke vrarë të paktën 115 persona dhe duke lënduar më shumë se 1.000 të tjerë.