Rastet globale të Covid-19 tejkalojnë 100 milionë

60

Rastet globale të koronavirusit tejkaluan 100 milionë të mërkurën, sipas një liste të Reuters, ndërsa vendet në të gjithë botën luftojnë me variantet e reja të virusit dhe mungesën e vaksinave, raporton Reuters.

Pothuajse 1.3% e popullsisë së botës tani është infektuar me COVID-19, sëmundja e shkaktuar nga koronavirusi i ri dhe më shumë se 2.1 milionë njerëz kanë vdekur.

Një person infektohet çdo 7.7 sekonda, mesatarisht, që nga fillimi i vitit. Rreth 668,250 raste janë raportuar çdo ditë gjatë së njëjtës periudhë dhe niveli global i vdekjeve qëndron në 2.15%.

Vendet e prekura më keq  Shtetet e Bashkuara, India, Brazili, Rusia dhe Mbretëria e Bashkuar, përbëjnë më shumë se gjysmën e të gjitha rasteve të raportuara Covid-19 por përfaqësojnë 28% të popullsisë globale, sipas një analize të Reuters.

Botës iu deshën 11 muaj për të regjistruar 50 milion rastet e para të pandemisë, krahasuar me vetëm tre muaj që rastet të dyfishoheshin në 100 milion.

Rreth 56 vende kanë filluar vaksinimin e njerëzve për koronavirusin, duke administruar të paktën 64 milion doza.