Shifra të larta të rasteve me Covid-19, gjithë qyteti vendoset në karantinë

102

Numri i rasteve me Covid-19 po rritet ndjeshëm në gjithë botën.

Në mënyrë të veçantë, Evropa po sheh një rritje të madhe të rasteve.

Autoritetet shëndetësore greke njoftuan se 13 njerëz ndërruan jetë në 24 orët e fundit nga koronavirusi, duke e çuar numrin e të vdekurve në vend në 482 që kur filloi pandemia në Mars.

82 pacientë janë të intubuar në njësitë e kujdesit intensiv rreth Greqisë.

Totali i rasteve të reja Covid-19 në 24 orët e fundit arriti në 453, duke e çuar numrin e përgjithshëm në 23,987.

Një nga zonat më të goditura në vend është rajoni i Kozani në Greqinë veriore, i cili është vendosur në karantinë.

Zëvendës Ministri i Mbrojtjes Civile, Nikos Hardalias, tha se zona kishte mbi 220 raste aktive, me 554 kontaktet e tyre të gjurmuara të detyruara të mbanin karantinë dhe “dhjetëra grupe të vogla, të kontrolluara, por të rrezikshme dhe gjeografikisht të shpërndara në të gjithë zonën.”

“Për shkak të ngarkesës së shtuar epidemiologjike në rajonin e gjerë të Kozanit, e gjithë Njësia Rajonale e Kozanit është vendosur nga nesër (e Premte), në orën 06.00 dhe për 14 ditë, deri më 29 Tetor 2020, në Nivelin e Alarmit kategoria 4 – Rritja e Rrezikut, ” thuhet në një deklaratë të lëshuar nga autoritetet.

Kategoria “Niveli i Alarmit kategoria 4 – Rrezik i Rritur” parashikon përdorimin e detyrueshëm të maskës në të gjitha zonat e brendshme dhe të jashtme, pezullimin e të gjitha tubimeve në hapësirat publike dhe private, si dhe ndalimin e lëvizjes jashtë Njësisë Rajonale të Kozanit.