Shisnin kokainë në sasi të mëdha, detaje nga operacioni për prangosjen e dy personave në Tiranë

145

Policia e Tiranës ka përfunduar me sukses një operacion për kapjen e dy personave që merreshin me shpërndarje të lëndës narkotike të llojit kokainë në kryeqytet.

Blutë bëjnë me dije se në pranga janë vënë L. N., 47 vjeç dhe E. C(H)., 39 vjeç, të dy banues në Tiranë.

Ata janë ndaluar nga policia, në rrugën “Nikolla Lena” në Tiranë, ku gjatë kontrollit të ushtruar në automjetin me të cilin udhëtonin, u janë gjetur dhe sekuestruar në cilësinë e provës materiale  një qese me lëndë narkotike Kokainë me peshë 1 kilogramë e 117 gramë.

Në  momentin e ndërhyrjes nga ana e punonjësve të policisë për kapjen e tyre, ata janë përpjekur të largohen me vrap për t’i shpëtuar kapjes së tyre, por nuk kanë mundur dot pasi janë vënë në pranga nga Policia.

Njoftimi i policisë:

Finalizohet një tjetër operacion antidrogë, për goditjen e veprimtarisë kriminale në fushën e narkotikëve.

Operacioni policor i koduar “Urus” i zhvilluar nga Seksioni për Hetimin e Narkotikëve.

Shpërndanin lëndë narkotike kokainë në zona të ndryshme të Tiranës, vihen në pranga 2 shtetas.

Sekuestrohen 1 kg e 117 gram kokainë, 1 shumë parash të përfituara nga shitja e lëndës narkotike dhe sende të tjera të kundërligjshme.

Në vijim të punës për goditjet e njëpasnjëshme të veprimtarisë kriminale në fushën e narkotikëve, bazuar në informacionet se dy shtetas posedonin dhe merreshin me shpërndarjen e lëndëve narkotike kokainë, pas një punë të mirëfilltë disa javore,  Seksioni për Hetimin e Narkotikëve, në DVP Tiranë, zhvilloi operacionin antidrogë të koduar “Urus”, në kuadër të të cilit u arrestuan në flagrancë shtetasit:

  1. N., 47 vjeç dhe E. C(H)., 39 vjeç, të dy banues në Tiranë.

Nga ana e Seksionit për Hetimin e Narkotikëve të Drejtorisë Vendore të Policisë Tiranë janë grumbulluar informacione në rrugë operative se të dy këta shtetas merreshin me shpërndarjen e lëndës narkotike të llojit “Kokaine” në sasi, në zona të ndryshme të qytetit të Tiranës.

Në bazë të informacioneve të grumbulluara dhe pas një pune të mirëfilltë hetimore disa javore është bërë e mundur kapja në flagrancë e tyre në rrugën “Nikolla Lena”  në Tiranë, ku gjatë kontrollit të ushtruar në automjetin me të cilin udhëtonin të dy këta shtetas, shërbimet e Policisë gjetën dhe sekuestruan në cilësinë e provës materiale  një qese me lëndë narkotike Kokainë me peshë 1 kilogramë e 117 gramë.

Gjithashtu u sekuestrua automjeti me të cilin këta shtetas qarkullonin për të shitur lëndën narkotike, 6 aparate celular dhe një shumë parash të përfituara nga shitja e lëndës narkotike.

Në  momentin e ndërhyrjes nga ana e punonjësve të policisë për kapjen e tyre të dy këta shtetas janë përpjekur të largohen me vrap për t’i shpëtuar kapjes së tyre, por nuk kanë mundur dot pasi janë vënë në pranga nga Policia.

Materialet iu referuan për veprime të mëtejshme, Prokurorisë së Rrethit Gjyqësor Tiranë, për veprën penale “Prodhimi dhe shitja e lëndëve narkotike, e kryer në bashkëpunim”.