(VIDEO) Plagosja në Astir/ Arrestohet te ish-sheshi “Shqiponja” autori i shpallur në kërkim

75

Policia e Tiranës ka arrestuar një 36-vjeçar i shpallur në kërkim prej 10 muajsh.

M.H është ndaluar te ish-sheshi “Shqiponja”, pasi akuzohet për plagosje të rëndë me dashje.

Në dhjetor të vitit 2019 në  zonën e Astirit në Tiranë, ka plagosur me sende të forta shtetasin I. L.

Njoftimi i policisë:

Vijon puna për kapjen e personave të shpallur në kërkim kombëtar.

Kapet dhe vihet në pranga një 36-vjeçar i shpallur në kërkim për plagosje të rëndë me dashje.

Shërbimet e Komisariatit të Policisë Nr. 1 Tiranë, bazuar në informacionet e marra në rrugë operative për një shtetas të shpallur në kërkim që lëvizte në këmbë tek sheshi “Shqiponja”, menjëherë kanë organizuar punën dhe falë veprimeve të shpejta dhe profesionale kanë kapur dhe ndaluar shtetasin M. H., 36 vjeç, banues në Tiranë.

Ky shtetas ishte shpallur në kërkim nga Komisariati i Policisë Nr. 6, pasi Gjykata e Rrethit Gjyqësor Tiranë i ka caktuar masën e sigurimit “Arrest në burg” në mungesë, për veprën penale “Plagosja e rëndë me dashje”, sepse në dhjetor të vitit 2019, në Astir, ka plagosur me sende të forta shtetasin I. L.

Materialet i kaluan Prokurorisë së Rrethit Gjyqësor Tiranë, për veprime të mëtejshme.