VIDEO/Shpërthimi i fuqishëm në lokal i merr jetën 19-vjeçares  

127

19-vjeçarja ishte ulur në tavolinën e një bari së bashku me miqtë e saj kur ndodhi shpërthimi i fuqishëm.

Lucia Costa nga Argjentina kishte dalë me shokët dhe shoqet për herë të parë që prej momentit që filloi pandemia në San Miguel, pranë Buenos Airesit.

Videoja nga kamerat e sigurisë tregojnë se një kamariere shkon në shkon në tavolinë për të mbajtur ndezur një ngrohës me bazë alkooli.

Por pak sekonda më vonë gjithçka shpërthen në flakë ndërsa të gjithë të pranishmit në tavolinë përfshihen nga zjarri.

Costa vdiq si pasojë e plagëve të rënda ndërsa mediat raportojnë se 8 shokë të saj pësuan djegie të rënda. E ëma e 19-vjeçares ka deklaruar se askush nuk bëri asgjë për të shpëtuar jetën e vajzës së saj dhe se ajo do të kërkojë rejë drejtësi.

Pas ngjarjes ka nisur edhe një hetim ndaj tre personave për “plagosje” dhe “vrasje”. Bëhet fjalë për pronarin e lokalit, menaxherin dhe një punonjës.