Vuçiç reagon pas vendimit për Mlladiç: Serbë mbajeni kokën lart

49

Ish-komandanti i ushtrisë serbe në Republika Srpska, Ratko Mlladiç, është dënuar me burgim të përjetshëm nga gjyqi i Hagës, nën akuzën për gjenocid dhe krim kundër njerëzimit gjatë luftës në Bosnje dhe Hercegovinë.

Lidhur me vendimin e Hagës kanë reaguar liderët botërorë, ndërsa presidenti amerikan Joe Biden e ka përshëndetur vendimin, duke theksuar se shpreson që liderët në rajon do ta respektojnë vendimin.

Megjithatë presidenti serb Aleksandar Vuçiç, me një dozë ironie është munduar ta mohojë faktin për gjenocid të kryer nga forcat serbe,  duke u ankuar se vetëm serbët po dënohen dhe jo pjesëtarë të ushtrive tjera në luftërat e përgjakshme të Ballkanit.

Ai ka përmendur rastet e gjeneralëve kroat dhe të Naser Oriqit, që sipas tij në instancën e parë të gjykimit janë dënuar dhe më pas janë liruar.

Në seancën e Këshillit për Sigurisë të OKB-së, ku mori pjesë presidenti dhe kryeministrja serbe, Vuçiç ka këshilluar popullin e tij që ta mbajnë kokën lart, pasi sipas tij nuk është dënuar populli për asgjë.

Madje është munduar të arsyetoj veprimit e shtetit të tij, duke thënë se Serbia “dënon” krimin në Srebrenicë – ku mijëra boshnjakë civilë ishin vrarë nga forcat serbe gjatë luftës në Bosnje.