Zbardhet ngjarja në Elbasan/ Ja pse 71 vjeçari qëlloi me Kallashnikov policët

504
FOTO NGA VENDI I NGJARJES

Zbardhet ngjarja e rëndë në Elbasan në lagjen “11 Nëntori”.

Policia në njoftimin zyrtarë ka deklaruar se 71 vjeçari Lefter Zhidru është konfliktuar me bashkëshorten, por burime për Descript.al kanë bërë të ditur, se autori fillimisht është përfshirë në debate me komshinjtë,ndaj të cilëve ka qëlluar edhe me armë.

Me mbërritjen policisë, 71 vjeçari është futur në banesë dhe ka qëlluar drejt tyre me një armë zjarri tip Kallashnikov ku për pasojë kanë mbetur të plagosur edhe dy persona, Ledio Saraçi 22 vjeç dhe Abdenauer Kndraxhiu 21 vjeç kalimtarë të rastit, të cilët ndodhen jashtë rrezikut për jetën.

Në vendin e ngjarjes ka shkuar edhe RENEA, ku po negociohet me autorin Lefter Zhidru, që ai të dorëzohet.

Njoftimi i policisë:

Më datë 24.09.2020, rreth orës 13:20, në lagjen “11 Nëntori”, Elbasan shtetasja F. Zh., ka patur një konflikt me bashkëshortin e saj, shtetasin Lefter Zhidru, 71 vjeç, i cili në momentin që ka shkuar Policia është futur në banesë dhe ka qëlluar dhe vijon të qëllojë me armë zjarri kallash në drejtim të forcave të Policisë.

Forcat Shqiponja dhe Patrullat e Përgjithshme janë pozicionuar dhe kanë vendosur perimetrin e sigurisë dhe vijojnë t’i bëjnë thirrje këtij shtetasi të dorëzohet, i cili vijon të bëjë rezistencë duke qëlluar vazhdimisht në drejtim të Policisë.

Si pasojë e të shtënave janë plagosur jashtë rrezikut për jetën dy shtetas, L. S., 22 vjeç dhe A. K., 21 vjeç, kalimtarë të rastit, në momentin që ky shtetas ka filluar të qëllonte me armë në drejtim të Policisë.

Në ndihmë të Policisë lokale janë nisur menjëherë forcat e FNSH dhe të RENEA-s, për të bërë neutralizimin dhe kapjen e shtetasit që vijon të qëllojë me armë në drejtim të Policisë.

Shtetasi Lefter Zhidru vijon të qëllojë me armë duke bërë rezistencë edhe pas thirrjeve të pandërprera të Policisë.

Banesa nga e cila po qëllon ky shtetas është e rrethuar dhe Policia ka vendosur një perimetër të gjerë rrethimi, për të parandaluar dëmtimin e kalimtarëve të tjerë të rastit.